懶系洋蔥蕃茄豬扒

洋蔥便宜、蕃茄新鮮，熊先生又愛酸甜口味、啖啖肉，有請下圖的懶系亂煮。

洋蔥、蕃茄，洗淨、切好、備用。睇相也感受到新鮮！

豬扒醃好：豉油、紹酒、糖、胡椒粉；若怕豬扒雪味重，可加薑汁 / 薑蓉。中火煎至8成熟，上碟備用。

原鑊保留豬油肉汁，爆炒洋蔥蕃茄，加入秘撈汁醬，豬扒回鑊。

熊先生愛濃味，收汁得比較乾身，盡收精華。

重點是汁醬：醋、茄汁、糖、水。分量比例嘛，話明秘撈，當然秘而不宣，secret kept。按個人口味調配吧！